• London

  • Beirut

  • Moscow

  • Los Angeles

  • Paris

  • Sydney

  • Toronto

Սահմանային Հրետակոծութիւնները Անցեալ Շաբաթ Մրցանիշային Եղան

28.09.2015   12:01

Ազրպէյճանական զինուժի կողմէ թրքական արտադրութեան TR-107 կայանքներէն հրթիռահրետանային արկակոծման ենթարկուեցաւ՝ Արցախի Պաշտպանութեան Բանակի (ՊԲ) հիւսիս-արեւելեան ուղղութեամբ տեղակայուած զօրամասերէն մէկու պահպանութեան տեղամասը, որուն իբր արդիւնք բեկորային մահացու վիրաւորում ստացան ՊԲ զինծառայողներ Նորայր Միքայէլ Խաչատրեանը (ծնած 1995ին), Ռոբերտ Սուրէն Մկրտչեանը (ծնած 1995ին), Յարութ Մաքսիմ Յակոբեանը (ծնած 1997ին)  եւ Կարէն Գէորգ Շահինեանը  (ծնած 1997ին): Կան վիրաւորներ:

ԼՂՀ  ՊԲ  մամուլի ծառայութենէն յայտնեցին, որ դէպքի մանրամասնութիւնները պարզելու համար կը կատարուի քննութիւն:

ԼՂՀ պաշտպանութեան նախարարութիւնը հաղորդագրութեամբ մը կիսեց կորստեան ծանր վիշտը եւ իր զօրակցութիւնը յայտնեց մահացած զինծառայողներու ընտանիքներու անդամներուն, հարազատներուն եւ ծառայակիցներուն:

Նշենք, որ հակառակորդը վերջին օրերուն բուռն կերպով կը խախտէ հրադադարը հայ-ազրպէյճանական սահմանին եւ շփման գիծին վրայ:

Աւելի կանուխ Տաւուշի սահմանամերձ բնակավայրերու գնդակոծման հետեւանքով 3 խաղաղ բնակիչներ զոհուած էին, երկուքը Բերդաւանէն իսկ մէկը Պառաւաքարէն: 3 զոհերը կանայք են, երկուքը տարեց իսկ մէկը 41 տարեկան: Կան 4 վիրաւորներ: Անոնցմէ երեքը տակաւին հիւանդանոց կը գտնուին, մէկը դուրս եկած է:

Share Button

Leave a Reply

Your email address will not be published. Required fields are marked *

Media Partner