• London

  • Beirut

  • Moscow

  • Los Angeles

  • Paris

  • Sydney

  • Toronto

Էտուարտ Նալպանտեան Միացեալ Թագաւորութիւն Պիտի Այցելէ

10.09.2015   17:49

Միացեալ Թագաւորութեան արտաքին գործոց եւ համագործակցութեան հարցերով պետական քարտուղար Ֆիլիփ Համոնտի հրաւէրով՝ 9-10 Սեպտեմբերին Հայաստանի Արտաքին գործոց նախարար Էտուարտ Նալպանտեան պաշտօնական այց պիտի կատարէ Լոնտոն:

Հայաստանի արտաքին գործոց նախարարութեան մամուլի, տեղեկատուութեան եւ հասարակայնութեան հետ կապի վարչութեան փոխանցումով` Միացեալ Թագաւորութեան մայրաքաղաքին մէջ Էտուարտ Նալպանտեան հանդիպումներ պիտի ունենայ իր բրիտանացի գործընկերոջ` Ֆիլիփ Համոնտի, Եւրոպայի հարցերով նախարար Տէյվիտ Լիտինկթընի, մշակոյթի, տեղեկատուութեան ու սփորթի պետական քարտուղար Ճոն Ուիթինկտէյլի հետ:

Այցելութեան ծիրէն ներս նախատեսուած է Հայաստանի արտաքին քաղաքականութեան վերաբերեալ Էտուարտ Նալպանտեանի ելոյթը, Միջազգային յարաբերութիւններու թագաւորական ուսումնարանին՝ Չեթըմ Հաուզի (Chatham House) մէջ:

 

Share Button

Leave a Reply

Your email address will not be published. Required fields are marked *

Media Partner