• London

  • Beirut

  • Moscow

  • Los Angeles

  • Paris

  • Sydney

  • Toronto

Հայոց Ցեղասպանութեան Նահատակներու Սրբապատկերը Տեղափոխուած Է Սուրբ Գրիգոր Լուսաւորիչ Եկեղեցի

08.09.2015   20:03

Սուրբ Մարիամ Աստուածածնի ծննդեան տօնին առիթով, Հայոց Ցեղասպանութեան սուրբ նահատակներու սրբապատկերը առաջին անգամ Մայր Աթոռէն տեղափոխուեցաւ Երեւանի Սուրբ Գրիգոր Լուսաւորիչ մայր եկեղեցի` զոհուած հայորդիներուն հոգւոյն աղօթքի եւ անոնց յիշատակին առջեւ խոնարհման համար:

Ըստ «Արցախփրես»ի Տէր Յակոբ քահանայ Խաչատրեան լրագրողներուն հետ զրոյցի ընթացքին ըսած է, որ Հայոց Ցեղասպանութեան սուրբ նահատակներու սրբապատկերը Երեւանի Սուրբ Գրիգոր Լուսաւորիչ մայր եկեղեցւոյ մէջ պիտի մնայ մէկ ամիս:

«Այստեղէն սրբապատկերը պիտի տեղափոխուի Արարատեան Հայրապետական թեմի Առաջնորդանիստ Սուրբ Սարգիս եկեղեցի: Հաւատացեալները կրնան այս մէկ ամսուան ընթացքին գալ Սուրբ Գրիգոր Լուսաւորիչ եկեղեցի եւ աղօթել Ցեղասպանութեան զոհերու հոգւոց համար», ըսած է Տէր Յակոբ քահանայ Խաչատրեան:

Նշենք, որ Հայոց Ցեղասպանութեան սուրբ նահատակներու  սրբապատկերը օծուած է 2015ի Ապրիլ 23-ին, Մայր Աթոռ Սուրբ Էջմիածնի մէջ տեղի ունեցած` Հայոց Եղեռնի զոհերու սրբադասման արարողութեան ժամանակ:

4

Share Button

Leave a Reply

Your email address will not be published. Required fields are marked *

Media Partner