«Զարթօնք»ի Անունով Մայրիի Ծառ Մարտակերտի Մէջ
ՀՀ Սփիւռքի նախարարութեան «Դուն ի՞նչ կ’ընես Արցախի համար» համահայկական շարժման ծիրէն ներս, Ս. Խաչ-Հարպոյեան վարժարանի իրականացուցած ծրագիրով, ներառական կրթութեան մէկշաբաթեայ դասընթացքին մասնակցելու համար Պէյրութ այցելեցին Մարտակերտի Վարդան Մինասեանի անուան թիւ 2 հիմնական դպրոցի տնօրէն Մելսիդա Քարդումեանը, ուսուցիչներ Լուսինէ Սաիյեանը եւ Ռուզաննա Աւետիսեանը:
Լիբանանահայ գաղութի իրենց ծանօթացման ծիրէն ներս, անոնք այլ հաստատութիւններու շարքին նաեւ այցելեցին լիբանանահայ երեք օրաթերթերու խմբագրատուները:
«Զարթօնք», որպէս խորհրդանշական նուէր արցախցի ուսուցչուհիներուն յանձնեց Լիբանանի մայրի ծառի տունկեր:
Ուրախութեամբ իմացանք, որ դպրոցի տնօրէնութիւնը արցախցի զինուորներու հետ, մարտական խաչի երկրորդ աստիճանի շքանշանակիր Վարդան Մինասեանի մահուան տարելիցի նուիրուած դպրոցական ոգեկոչման ձեռնարկի մը ընթացքին, Ապրիլեան քառօրեայ պատերազմին մասնակից զինուորի ձեռամբ «Զարթօնք»ի անունով մայրիի ծառ տնկած են դպրոցի բակը: Հետաքրքրական էր իմանալ ծառը տնկող հայ զինուորին արտայայտութիւնը, որ ծառը տնկելու համար երբ բահ առաջարկուած է իրեն, ան մերժած է գործածել, ըսելով որ բարեկամութեան ծառը ափերով է, որ կը տնկուի հողին մէջ:
Ձեռնարկին ներկայ գտնուած է նաեւ արցախցի արուեստագիտուհի Շուշան Պետրոսեան:
«Զ.»
اترك تعليقاً
News
-
28.10.2019
اردوغان والمشروع التركي الطوراني لابادة الاكراد
-
12.03.2019
Setrak Kurejian
-
16.01.2019
Անժամանցելի Սարուխանը Այսօր
-
05.12.2018
Ալեքսանտր Սարուխան Ծննդեան 120 Ամեակ
-
01.03.2018
Տեսաժողով՝ Մերձաւոր Եւ Միջին Արեւելքի Տարածաշրջանի Հայկական
-
15.11.2017
هاكوب مارتايان مؤسس اللغة التركية الحديثة
-
11.11.2017
محاضرة حول مسيحيو لبنان: تحديات وآفاق: كلمة الإفتتاح القاه الرفيق ارا
-
09.11.2017
Տխուր Էջերը Փակելու Հրամայականը
-
08.11.2017
أردوغان والازمة الكردية في العراق
-
02.09.2017
وحدة من الدفاع الجوي التابعة للقوات المسلحة الأرمينية تشترك في مناورات
