• London

  • Beirut

  • Moscow

  • Los Angeles

  • Paris

  • Sydney

  • Toronto

Պահ Մը Մոռցէ՛ք Այն Ամէնը, Ինչ Որ Ձեզի Սորվեցուցած Են, Նայեցէ՛ք Այս Աչքերուն. Թուրք Լրագրողը Ծիծեռնակաբերդ Այցելութեան Մասին

13.02.2017   08:28

Թուրք լրագրող, սիւնակագիր, CNN-ի թրքական ծառայութեան համախմբագիրներէն ու Պոլսոյ  հայկական պարբերականներէն «Ակօս»-ի նախկին աշխատակից Սերտար Քորուճուն Mylittleworldtour.com կայքին մէջ Հայաստանի եւ Արցախի տեսարժան վայրերուն մասին պատմող իր յօդուածաշարքին մէջ անդրադարձած է Հայոց ցեղասպանութեան զոհերու յուշահամալիր այցելութեան ու իբրեւ թուրք եւ Թուրքիոյ քաղաքացի այնտեղ ունեցած զգացողութիւններուն, կը հաղորդէ Tert.am-ը:

«Ի՞նչ կը սպասէ ձեզի, երբ ներս մտնէք: Եկէք մենք չըսենք: Գացէք, դուք տեսէք: Կարդացէք մարդկային պատմութիւնները, նայեցէք լուսանկարներուն մէջ գտնուողներուն աչքերուն, դէմքերուն: Ատկէ ետք բարձրացէք դէպի յուշակոթող: Պահ մը կտրուեցէք ամէն ինչէն։ Ձեր լսած, կարդացած եւ սորված ամէն ինչէն։ Միայն փորձեցէք դուք ձեզի զգալ կանգնած այն մարդոց դիմաց, որոնք ըլլալով Օսմանեան կայսրութեան քաղաքացիներ` իրենց իսկ հայրենիքին մէջ կոտորուած են, Սուրիոյ անապատները քշուելով` ոչնչացուած են միայն անոր համար, որ հայ էին: Պատկերացուցէք կիները, երեխաները, ծերերը: Պատկերացուցէք, որ անոնց յուշերուն մօտ եկած էք: Եւ մի մոռնաք, որ այդտեղ վառող կրակը ոչ միայն յուշակոթողի մէջտեղն է այլեւ հարազատ կորսնցուցած ամէն ընտանիքի սրտին մէջ կը վառի: Քանի մը մեխակ դրէք` բաւական է: Յամենայնդէպս, առաջին այցելութեան համար բաւարար է…», – գրած է Քորուճուն:

Իր նախորդ յօդուածներէն մէկուն մէջ Սերտարը նշած էր, որ եթէ մարդիկ կարենան յաղթահարել իրենց գլխուն եղած փոքրիկ «սահմանները»` Հայաստանի եւ Թուրքիոյ միջեւ դիւանագիտական յարաբերութիւններու հաստատումը այդքան ալ էական չէ:

«Շատ կը ներէք, կը հաւնիք, թէ ոչ, կը հաւատաք, թէ չէք հաւատար, կ՛իմանաք, թէ չէք իմանար` Հայոց Ցեղասպանութիւնը այս երկրին մէջ վէրք մըն է», – գրած էր Քորուճուն իր պլոկին մէջ:

Share Button

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Media Partner