• London

  • Beirut

  • Moscow

  • Los Angeles

  • Paris

  • Sydney

  • Toronto

Փաշինյան-Թրամփ հանդիպման հարցը մեր օրակարգում է. Զոհրաբ Մնացականյան

22.08.2019   22:33

Հայաստանի Հանրապետության արտաքին գործերի նախարար Զոհրաբ Մնացականյանն ընդգծում է, որ Հայաստանի և ԱՄՆ-ի միջև երկխոսությունն ակտիվացել է: Կառավարության նիստից հետո լրագրողների հետ զրույցում ՀՀ ԱԳ նախարարը նշեց, որ դա տեսնելու համար հարկավոր է գնահատել բոլոր այն հանդիպումները, որոնք տեղի են ունեցել վերջին մեկ տարվա ընթացքում:

«Թրամփի և Պոմպեոյի հետ հանդիպում մենք չենք ունեցել, բայց դրանից մեր երկխոսությունն ԱՄՆ-ի հետ չի նվազել, շատ ավելի ակտիվացել է: ԱՄՆ-ում յուրահատուկ համակարգ է իր բարդ կառուցվածքով, իսկ Թրամփի և Պոմպեոյի հետ հանդիպումների հարցը օրակարգում է, կլինի, երբ կլինի»,- «Արմենպրես»-ի փոխանցմամբ՝ ասաց Մնացականյանը:

Դիտարկմանը, թե չի հաջողվում հանդիպում կազմակերպել ԱՄՆ-ի նախագահի և պետքարտուղարի հետ, Զոհրաբ Մնացականյանը պատասխանեց. «Սխալ են ասում»:

Հարցին, բանակցություններ գնո՞ւմ են, որպեսզի ՀՀ վարչապետ Նիկոլ  Փաշինյանը հանդիպի ԱՄՆ նախագահ Դոնալդ Թրամփի  հետ, ՀՀ ԱԳ նախարարը պատասխանեց. «Այդ հարցը մշտական մեր օրակարգում է»:

 

Share Button

Leave a Reply

Your email address will not be published. Required fields are marked *

Լրատվական գործընկեր