• London

  • Beirut

  • Moscow

  • Los Angeles

  • Paris

  • Sydney

  • Toronto

30. 03. 2023

Գերմանիայի Բադեն-Վյուրթեմբերգ երկրամասում հայկական մշակութային օրեր են անցկացվել

30.10.2017   10:25

 ԳԴՀ Բադեն-Վյուրթեմբերգ երկրամասի մայրաքաղաք Շտուտգարտում հոկտեմբերի 26-ին մեկնարկեցին արդեն ավանդական դարձած հայկական մշակութային օրերը, որի նպատակն է Գերմանիայի հասարակությանը ներկայացնել հայ ժողովրդի հարուստ պատմական ժառանգությունը, մշակույթն ու ավանդույթները: Այս տարվա միջոցառումները անցկացվում են «Մաշտոցը հանդիպեց Լյութերին․ մշակույթների հանդիպում» խորագրի ներքո: Այս մասին «Արմենպրես»-ին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից:

Միջոցառումների բազմաբնույթ ցանկում առաջին անգամ ընդգրկվել է նաև հայկական տարազների և գորգերի ցուցադրություն՝ «Տերյան մշակութային կենտրոն» արվեստագետների ներկայացմամբ:

Հայկական մշակութային օրերի շրջանակում «Հայ ավետարանական եկեղեցու պատմությունն ու գերմանացի միսիոներների դերը» թեմայով դասախոսությամբ հանդես եկավ Էրլանգենի համալսարանի աստավածաբանության պրոֆեսոր Խաչիկ Գազերը, տեղի ունեցավ «Աստված հարստացրել է իմ կյանքը» գրքի շնորհանդեսը, Ռաֆայել Հովհաննիսյանի «Հայկական հետքեր Բադեն-Վյուրթեմբերգում» փաստավավերագրական ֆիլմի ներկայացումը, Շտուտգարտի ջազային նվագախմբի համատեղ ելույթը ՀՀ վաստակավոր արտիստներ Էմմա Պետրոսյանի, Արամոյի և Մադաթ Ավանեսովի հետ համատեղ։

Հոկտեմբերի 28-ին տեղի ունեցավ մեկ այլ միջոցառում, որտեղ կատարվեցին Տիգրան Մանսուրյանի ստեղծագործությունները, որը հանդիսատեսի կողմից ընդունվեց մեծ ոգևորությամբ։

Միջոցառմանը ողջույնի խոսքով հանդես եկան Գերմանիայում ՀՀ դեսպան Աշոտ Սմբատյանն ու Բադեն-Վյուրթեմբերգ երկրամասում ՀԱԵ հոգևոր հովիվ Տիրատուր Սարդարյանը:

Կատարումներով հանդես եկան դաշնակահարներ Ռուբեն Մելիքսեթյանը, Իզաբելա Մելքոնյանը, երգչուհի Աննա Ավդալյանը, թավջութակահար Վաչե Բագրատունին և ջութակահար Քրիստինա Ալթունյանը:

Share Button

Leave a Reply

Your email address will not be published. Required fields are marked *

Լրահոս

Լրատվական գործընկեր