• London

  • Beirut

  • Moscow

  • Los Angeles

  • Paris

  • Sydney

  • Toronto

01. 06. 2023

Նյու Յորքում հայ համայնքի բողոքի ակցիան անցել է խաղաղ

27.07.2020   22:39

Նյու Յորքում հայկական համայնքի ներկայացուցիչների բողոքի ակցիան խաղաղ ընթացք է ունեցել։ Ինչպես հաղորդում է «Արմենպրես»-ը, այս մասին հայտնել է  «Ամերիկայի ձայն»-ը։ Հայկական համայնքի ներկայացուցիչները բողոքի ակցիա են անցկացրել ՄԱԿ-ում Ադրբեջանի ներկայացուցչության մոտ։ Հավաքվածների կարգախոսն է եղել «մենք ուզում ենք խաղաղություն»:

Մասնակիցները նշել են, որ հայերը պատերազմ չեն ցանկանում, հիմնական պահանջն է՝ արդարություն և խաղաղություն: Նրանք անընդունելի են համարել երկու երկրների միջև հավասարության նշան դնելը:  

Հայաստան-Ադրբեջան սահմանին՝ Տավուշի հատվածում, իրավիճակի սրացմամբ պայմանավորված աշխարհի տարբեր երկրներում հայ համայնքի ներկայացուցիչները միասնության ցույցեր են անցկացնում ոչ միայն իրենց աջակցությունը հայտնելու Հայաստանին ու Արցախին, այլև բողոքի ձայն բարձրացնելու Ադրբեջանի սադրանքների, ապակառուցողական գործողությունների առնչությամբ: Հայերն ակցիաներ են անցկացրել Մադրիդում, Լոս Անջելեսում, Ստրասբուրգում, Նիդերլանդներում, Պրահայում  և այլ տեղերում:

Share Button

Leave a Reply

Your email address will not be published. Required fields are marked *

Լրահոս

Լրատվական գործընկեր